I Geirangerfjord-området blir det produsert store mengder mat – såvel industrielt som småskala gardsmat. I restaurantane og kafeane kan du kjøpe lokal mat av topp kvalitet, og på fleire av gardane kan ein kjøpe produkt som bær, frukt, saft, sylte, ost, kjekjøt, mør, pølser, etc. Få med deg smaken av ekte, norsk natur!
Foto: Teje Rakke / Nordic Life
Strengt tatt skulle det ikkje vere muleg å vere så fruktbart her, langt mot nord og med til tider eit ugjestmildt klima. Men i sommarhalvåret er klimaet inne i fjordane overraskande mildt og tørt. Kombinert med lange og lyse dagar gir det grobotn for driftige bønder. Produksjon av mat føregår i alle bygdene i området.
Industriell matproduksjon er også viktig, særskild i Stranda kommune. Her ligg fleire kjende merkenamn som Ringdal og Tind. Vidare produserer ein Pizza Grandiosa her, Norges desidert mest populære frosenpizza!
Hausting av det naturen har å by på er også viktig i Geirangerfjord-området. I elvane er der stor laks, i vatna sprett auren og i fjordane finn du torsk, sei, lyr og andre fiskeslag. Ute i marka finn du mykje bær og sopp, som fritt kan plukkast og nytast.
Vel bekomme!